اليوم جلست افكر
في موضوع يعجبكم
فكرت وفكرت
ما لقيت غير التنحيف
المشكلة في كل الريجمات انها تخلي الوحدة كدة شكلها مسكين مصفرةوحالتها حالة او اذا كانت عندها خدود تودع الخدود
والدوخة والاشياء دي
طيب انا في مرة من المرات عملتلي خطة تنحيف ونجحت تماما
في الصباي يعني الفطور خففي نشويات في الفطور ومو تسوي نفسك رشيقة وما تفطري لانو الفطور ضروري عشان الجسم يتنشط ويحرق
واذا تبغي سكر نفسك في سكر مرة في دة سكر الذرة مرة كويس بس المهم لا تاكلي سكر عادي منتي ناقصة
جعتي كلي تفاحة لان التفاح اكتر فاكهة تحرق
الغداء كلي من اللي طبخوه في البيت كلي على كيفك في الغدا بس وبعد الغدا يا ويلك لو قلتي انام عشان الكرشة والكرشة من فين جاية من النوم بعد الاكل مباشرة بدل
النوم قومي اشربي شاهي اخضر مه الزنجبيل المقطع قطها ضغيرة ونعناع عشان النكهة وحطية في ترمس اشربيه بعد الغدا مباشرة اول شي يعطيكي النشاط والحيوية ويحرق كثييييير هدا اكتر شي متاكدة منه وانصحكي فيه
جعتي في العصر ايش تسوي كلي تفاح او اي فاكهة تبغيها ماعدا(الموز والاناناس والفواكه الاستوائية والتمر )
جا وقت الجد
وهدا ضروري مرة لازم تسويلك نص ساعة من الرياضة بالنسبة للرياضة اللي كنت اسويها
( كنت عشر دقايق شد لليد بالاثقال واذا ما عندك جيبي قارورتين موية فاضية طبعا ونفس النوع وعبيهم تراب مو حجر واشتغلي عليها وكنت اسوي عشر دقايق تمارين من عقلي المنهم اي حركة وعشر دقايق مشسي وجينها للرياضة السهلة وهي الرقص روحي اجلسي قدام المراية وشغليلك شريط من اللي ينشطكي مثلا روبي شي يخليكي ترقصي طول الاغنية )(مو مهم بعد المغرب ممكن الصباح اي وقت وممكن تركزي عالمشي فقط اذا تقدري تخرجي كل شوية المهم ما تلغي الرياضة)
جا وقت العشا
لو قدرتي لا تتعشي بس اكيد حتكوني جيعانة روحي اشربيلك كاسة حليب قليلة الدسم مه تفاح
وزبادي قليل الدسم وادعيلي
تراني مجربتته بنفسي وما حتخبصي في الاكل لا نك تتغدي من اكل البيت
وسويلك كل ااسبوعين يوم واحد سمعتو واحد مفتوح
(ملاحظة بالنسبة لرمضان لا تاكلي اكثر من سبع تمرات في الفطور اذا تبغي تبغي تمشي مع السنة وكاسة لبن قليل الدسم وسوي حركة الغدا يعني تاكلي من اكل البيت بس بالنسبة للمقليا ت خدي حبة حبة من كل شي واذا جعتي كلي تفاحة ولا تنسيالشاهي الاخضر مع الزنجبيل والنعناع ولا تقصري في السوق امشي قد ما تقدري في السوق ولا تنسيالرياضة ممكن تستغني عن الاغاني وسوي رياضتك مع مسلسلك المفضل
والسحور سوي زي العشا بس مع نص رغيف اسمر محمص
وادعولي
يارب اكون فدتكم
(يلا على طريقي اجبلكم نصيحة وهي معرفة قبل ما تنامي لطخي وجهك بالفازلين وحتشوفي الفرق لمن تصحي حتصير بشرتك ناعمة زي الاطفال وكمان لا تنسوا قناع الزبادي مع ملعقة سدر وليمونتين هدا خطييييييييييييير مررررررررررررررررررة يبيض وعندي وصفات اخرى مجربة بس اللي تبغى تقول)
(انتبهو تضعفو ا قدام الكنافةوالبسبوسة كل ما جا نفسك في شي تذكري العيدوملابس العيد وكيف حتكوني مبهرة في العيد )
موضوع: تبغي تنحفي وتصيري حلوة ومتألقة ادخلي 
